«Մխիթար Սեբաստացի» Կրթահամալիրում տեխնոլոգիա դասընթացը դասավանդվում է հիմքում ունենալով՝
- հեղինակ ուսուցչի մշակած ծրագիրը
- սովորողի անհատական պլանը
- կրթահամալիրի ուսումնական օրացույցը
- կրթահամալիրային ստուգատեսները, ճամբարները, ամենամյա տեխնոլոգիական ստուգատեսը
Ըստ ուս պլանի տեխնոլոգիա առարկան 4-5-րդ դասարաններում դասավանդվում է շաբաթական երկուական ժամով: Տեխնոլոգիան կազմակերպվում է բույսերի և կենդանիների խնամքի, դիզայնի, խեցեգործական, առողջության պահպանության, խոհանոցային, կարուձևի, ծեսերի, տոների, ցուցադրությունների, կազմակերպման մոդուլներով
Կերպարվեստ, տեխնոլոգիա առարկայի ուսուցման նպատակը՝
- Զարգացնել երևակայությունը, քննական, ստեղծագործական, պատկերավոր մտածողությունը, դիտողականությունը, ուշադրությունը, նպատակասլացությունը, աշխատասիրությունը, հանդուրժողականությունը:
- Ձևավորել դատողություններ, վերլուծություններ և որոշումներ կայացնելու, անհրաժեշտության դեպքում նաև հակազդելու կարողություններ:
- Ձևավորել գեղեցիկը և ներդաշնակը տեսնելու, զգալու, գնահատելու, պահպանելու և արարելու ցանկություն և կարողություն:
- Սովորեցնել գործնականում կիրառել գեղարվեստական գործունեության ընթացքում ձեռք բերված գիտելիքները և կարողությունները:
- Ձևավորել ազգային, համամարդկային, սոցիալական, խմբային, անհատական և անձնական խնդիրները ստեղծագործաբար լուծելու կարողություններ
- Ձևավորել մշակութային արժեքների պահպանման, բազմացման, փոխանցման գործում սեփական մասնակցությունն ունենալու պահանջմունք:
- Ստեղծել մշակույթի և արվեստի ոլորտում մասնագիտական կողմնորոշման համար նպաստավոր պայմաններ։
Ուսումնական միջավայրը՝
Ուսումնական պարապմունքները սահմանված կարգով կազմակերպվում են հիգիենիկ, օդափոխված միջավայրում, այդ թվում՝ բացօթյա․ արվեստանոցը լուսավոր է, տեխնիկապես հագեցած և կահավորված անհրաժեշտ մասնագիտական գույքով ( սեղաններ, բաց և փակ պահարաններ իրենց դարակներով, թեթև շարժական աթոռներ) Գծագրական թուղթ, հասարակ մատիտ, ռետին, գուաշ, ջրաներկ, կարկին, քանոններ, ռեզակ, սիլիկոնե ատրճանակ, ստեպլեր, մկրատ, սկոչ, էմուլսիա` սրանք այն հիմնական պարագաներն են, որոնք որպես առաջին անհրաժեշտության պարագաներ անհրաժեշտ են ձեռքի տակ միշտ ունենալ:
Կան նաև նյութեր, որոնք ձեռք են բերվում կոնկրետ նախագիծը իրականացնելու նպատակով։
Գնահատումը
Սահմանված կարգով, գնահատումը կատարվում է ըստ ուսումնական շրջանների՝ սովորողի ուսումնական գործունեության հրապարակված արդյունքներով (ուսումնական բլոգ, ցուցադրություն, ստուգատեսների, ճամբարների, ճամփորդությունների մասնակցություն)։ Մինչև 5-րդ դասարանի 2-րդ ուսումնական շրջանը լրացվում է սովորողի ուսումնական առաջադիմության բնութագիր, իսկ 3-րդ ուսումնական շրջանը գնահատվում է 10 բալանոց համակարգով:
Ուսումնական նախագծեր`
Ուսումնական նախագծերը կազմվում են կրթահամալիրի ուսումնական օրացույցով
Շուրջտարյա նախագծեր՝
- Արտադրությամբ ուսուցում
- Ամանորի նախագծեր
- Թումանյանական օրեր
- <<Ձոն>> տեխնոլոգիական նախագծերի ստուգատես
- Զատիկ
- Թափոն արվեստ
- Ցուցադրություններ
- Անհատական և խմբային, ինքնուրույն և համագործակցային աշխատանքներ և նախագծեր
- Սովորող-սովորոցնող նախագծեր (տարատարիք սովորողների համագործակծություն)
Գործունեության ձևեր
- Վարժություններ տարբեր որակների և գույների թղթերի
վրա: - Նկարչական միջոցների փորձարկում՝ մատիտներ, յուղամատիտներ, մարկերներ, վրձիններ, ներկերի:
- Աշխատանքներ կավով կամ պլաստիլինով:
- Վերացական հորինվածքների ստեղծում բնական մոտիվների հիման վրա /2D, 3D:
- Հեքիաթի բեմականացման համար նյութերի ընտրություն, էսքիզներ, նկարազարդման աշխատանքներ
- Բացօթյա պայմաններում ստեղծագործական աշխատանքի, քննարկումների կազմակերպում
4-5-րդ դասարանն ավարտող սովորողը պետք է կարողանա
- Դրսևորի տարրական աշխատանքային հմտություններ, անվտանգ կերպով
օգտվի կենցաղային սարքերից, աշխատանքային որոշ գործիքներից և նյութերից - Արդյունավետ կազմակերպի իր ուսումնական գործընթացը և ավարտի
աշխատանքները առանց անմիջական վերահսկողության, կիրառի
ինքնակրթության որոշ մեթոդներ - Կարողանա բացահայտել և զարգացնել իր անհատական
առանձնահատկությունները, հետաքրքրություններն ու
նախասիրությունները - կիրառի երկրաչափական պատկերների և մարմինների մասին
գիտելիքներն ամենօրյա կյանքում և հարակից ուսումնական առարկաներն
ուսումնասիրելիս